Am letschte obig ade lykische küste hemmer en nächtliche schwumm im meer
gmacht und debi öppis eimoligs erlebt. Bi jedere bewegig hets um üs ume plötzlich aafange lüchte und glitzere
, als wär de ganz sternehimmel 
im wasser. Lüchtends plankton – wa für en magische moment!
Vo Çirali ischs is landesinnere vo de türkei
gange. Die erst nacht in Zentralanatolie hemmer ufeme überwachte stellplatz in Konya verbrocht. Da isch en chostelose caravan-park, wo eim wasser
, wc
, duschi
und strom
alles gratis zur verfüegig gstande isch. De platz wird vo de stadt unterhalte und finanziert, extra für camper. Mir hend uf all fäll scho schöneri stellplätz verwütscht, aber de luxus vom wasser in hülle und fülle hemmer trotzdem sehr gnosse. So dass de manuel grad drüümol go dusche isch.
Wa sicherlich i jedem Türkei-Reisefüehrer beworbe wird, isch Kappadokien. Au mir hend üs vo dene schöne bilder mit de viilne ufstiigende heissluftballön
über dene bizarre felsformatione begeistere loh. So isch d fahrt do ane scho voller vorfreud xi. Die 5stündigi wanderig durs „love valley“♥️(ahand vo de föteli chamer erahne wo de name herchunnt) und die beide städtli Göreme und Uchisar het üs sehr guet gfalle. Am nögste morge hemmer s glück gha und sogar en heissluftballonflug hochhinaus über die iidrücklich landschaft selber dörfe erlebe. Zu dem abendtüür hemmer hier usführlich gschriibe…
Es isch wiiter in richtig oste
gange. De berg 
Nemrut isch für sini grosse, steinerne Götterstatue bekannt. Ebefalls sehr imposant isch d ussicht vo do obe abe uf die wiiti xi.
Mir hend üs no für en abstecher i zwei wiiteri länder entschiede. So simmer am 30.08.22 ade grenze zu Georgien 
gstande. Vorerst het üs da Land nur als Durchreis noch Armenie
dient. D iireis vo de Türkei noch Armenie isch siit johre nämli nöd möglich. Je wiiter östlicher mir chömed, desto komplizierter werded grenzübergäng. Nebst em bürokratische
ufwand, isch üs damol no fieber gmesse
worde (ezz simmer sicher, dass mir immer no xund sind
) und s tatütata isch gröngt worde (au in bester xundheit, kein chnochebruch).
Bim Aragaz, da isch en erloschne vulkan
, und mit siner höchste spitze vo 4090 m.ü.M die höchsti erhebig vo Armenie, hemmer en platz uf guet 3000m.ü.M gfunde. Nochere chüehle nacht, hemmer üs am nögste tag uf e wanderig hochhinaus zu de südspitze vom Aragaz gmacht und nochher die verlasseni Forschigsstation
us de sowjwtziit erkundet. Am obig hemmer miteme schwiizer-pärli
, wo au e längeri reis vor sich het und sich üsi weg grad do gkrüzt hend, es paar gselligi stunde verbrocht.
Fun fact: ufem caravan-park in Konya hends eso viil wasser
gha, dass sogar de rase bewässeret hend… de sprenkler isch am morge am 4:10h los…eigentlich het üs da chönne egal si, aber die frisch gwäsche und fast troche wösch
isch so wieder pflutschnass xi…es isch sicher es amüsants bild xi, wie mir am 4:15h d wösch umghengt hend…
Noch Armenie werded mir Georgien no besichtige, bevors denn nomol zrugg id Türkei goth.
Liäbi grüess manuel & ilona
