Uf de halbinslä istrien hemmer scho wieder en huufe erlebt. Ide stadt pula stoth s sechstgrösste amphitheater vo de welt, da hemmer gseh.🎭
Als gegepol zum „grossä“ hemmer au di chliinsti stadt weltwiit besichtigt – Hum heisst diä.
Im nationalpark ucka🌲🌲 simmer wiit und breit di einzige xi, wo do übernachtet hend. Nur grüen um üs ume. Mir sind zum Vojak, em höchste ussichstpunkt⛰ i dem naturpark, gwanderet und hend es herrlichs 360°panorama chönne gnüsse.
Nocher isches wieder meh is landesinnere gange und mir hend d hauptstadt vo kroatie besichtigt – pünktlich zum kanoneschuss💣am 12i simmer in zagreb aacho.
Ame herrliche örtli usserhalb, direkt ame fluss hemmer di nögst nacht verbrocht. Es magischs🪄 plätzli mit luutem froschgequake 🐸, glüehwürmli-lüchte💡und royalblaue libellä.
Es het üs wieder as meer🌊 zoge und so hend mir öppe e 5stündigi autofahrt 🚒in aagriff gno. Aacho simmer denn in vir, ufeme inseli🏝, nördlich vo zadar. Eimol meh en super spot! Im schatte, unter piniebäum, direkt am strand, bim lüüchtturm.
Hüt hemmer denn d stadt zadar besichtigt und üs die eimolig meeresorgle🎹 aagloset, wos do a dere küste git. Noch üsem musigverständnis tönt sie eher nocheme alte tor vonere schüür, vo dringend en tropfe öl brüchti🎼
Fun fact 1: bewegendä stei – ah nei, isch e schildchrötli🐢
Fun fact 2: vo baggergrüsch gweckt worde, nünnt debi denkt und erst denn realisiert, dass die einzig usfahrt mit stein versperrt worde isch.🚧 wer üs stei in weg leit, muess halt zweimol mache…💪🏼😇
So, wiiter goths in richtig süde🧭
Liäbi grüess manuel & ilona
