Öppe all zwei wuche mached mir en sogenannte fahrezüügcheck 
im und ums tatütata. Öl & wasser kontrolliere, schruube 
bi allne chuchichästli nozieh und natürli au luege, öb ufem dach alles hebet. Mit schrecke
hemmer denn festgstellt, dass nöd alles die albanische 
holperpiste so guet überstande het, wies uf de ersti blick de aaschiin gmacht het. Zwei vo sechs fixierpünkt vo de dachterrasse sind ganz usgrisse und bi de restliche vier ischs nur no e frog vo de ziit xi, bis gliich usgseh hetted. Drum hend mir schnell e lösig brucht. Neui schiene für üses fahrzüüg 
z finde isch i de schwiiz scho nöd eifach xi und do ezz erst recht e useforderig. Noch öppe 13 baumärkt und ähnlichem, hemmer tatsächlich de passendi dachträger (damol us stahl und nümme us alu) gfunde und innert wenige stunde
montiert, so dass mir das Problem los worde sind 
und mir üsi wiiterfahrt miteme guete gfühl hend chönne ufneh.
Mir sind in richtig westküste, a flamingos 
verbii und hend en stopp uf de halbinsle Koronisia im Ambrakische Golf gmacht. Falls öppert mol do i de nöchi isch – da isch no en richtige Gheimtipp.
2 minute und 48 sekunde hend mir beide unds tatütata mösse d luft aahebe
– es isch via Unterwassertunnel bi Preveza (de einzigsti vo Griecheland
) uf d halbinsle Lefkada gange. Dur chliini dörfli, a traumhafte stränd 
entlang sind mir bis zum lüüchtturm am südlichste punkt gfahre.
Bime restaurant direkt am meer 
hemmer zum znacht e karaffe wiiswii und e grossi meeresfrüchte-platte
bstellt. De ouzo hets nocher ade strandbar geh. Uf d frog, öb mir do ufem restaurantparkplatz übernachte dörfed, hets es früündlichs lächle und „es wäre mir eine freude“ zur antwort geh.
Wiiter ischs uf de Peloponnes. Ganz obe im weste bi Araxos hemmer en kuum touristische, grosse sandstrand gfunde und zwei täg mit sünnele, lese, bädelä und friisbee spiele
do verbrocht.
Es isch ziit worde mol wieder für echli action. Vom Dörfli Figalia simmer zu de Neda Wasserfäll gwanderet. Für es richtigs abedtüür, simmer id schlucht abegchletteret 
und im fluss ufwärts teils gloffe und churzziitig gschwumme. Au e höhli hets ufem weg geh, wo fledermüüs
über üsne chöpf gschwirrt sind.
S nögste highlight isch d Ochse
buuch-Bucht bi Pylos xi. Nocheme schwumm i dem klare, türkisblaue wasser, hemmer de aastieg uf de hügel
zu de ruine 
in aagfriff gno. Belohnt worde simmer mitere wahnsinnige ussicht uf die c-förmigi bucht und s wiite, dunkelblaue meer.
Fun fact 1: was für es bild, wenn mit händ 
und füess
gfachsimplet wird, wiil niemmert de ander „sprochlich“ verstoht – de manuel bim metallbauer mit sechs grieche um sich, für üsen dachträger…
Fun fact 2: hüt -zur feier des tages
– probiered mir zum znacht es fondue 
z choche
Es paar täg Griecheland gönnemer üs no, bevor mir üs ufmached zum nögste für üs no unbekannte land, Bulgarien
.
Liäbi grüess manuel & ilona
