In welsberg hemmer nöd nur e panorama-badi gfunde, wo mir üs mol wieder so richtig hend chönne wäsche🛁🧼 Sogar d fäascht bänkler usem rhiintel, simmer xi go lose im nochber ort🥳. „Manchmal ist die ganze Welt doch nur ein Dorf“
Nochem südtirol simmer wiiter is drüüländereck (🇮🇹, 🇦🇹, 🇸🇮) bi tarvisio an predilsee. Anere traumhafte lag, direkt am ufer hemmer üses tatütata parkiert. Vo do us hemmer unter anderem en usflug zume wasserfall gmacht. Wel s wetter chli regnerisch-frisch🌦 xi isch, simmer a dem romantische örtli ganz ellei xi☺
Hüt hemmer denn die slowenisch grenze überquert. Es land, für üs no unbekannt, so grüen und vielfältig a flora und fauna, het üs meh als positiv überrascht.🌱🌲🌾
Um dä Bleder See und de Ort Bled isches üs fast chli z touristisch xi. Zudem isch üs de versuech misslunge, anere öffentliche pumpi d velos z pumpä, so hend mir d velo mösse stossä🥴
Jede tag es abendtüür, meistens erfreulich und mengmol halt au weniger…
Fun fact: d wöschmaschine🧺 zum erste mol „laufe loh“ und de erst bruunbär uf üsere reis hemmer scho xeh🐻
Sowiit alles im grüene berich. Mir freued üs ezz di nögste täg im wunderschöne slowenie chönne z gnüsse!
Liäbi grüess manuel & ilona
