Uf de halbinsle Murter hemmer üs de höchst möglichi stellplatz usgsuecht ⛰ Eimol meh allrad sei dank. Nebst dere wunderbare ussicht hets no e wiiteri überraschig geh, wo üsi stirnlampene 🔦zum iisatz cho sind. Mir hend die verlasseni, unterirdischi bunkeraalag mit öppe 310m längi erkundet.🔎🧐
D cetina quelle mit ihrne 5°C wassertemperatur🥶 und guet 100m tüüfi isch üsen nögste halt xi. Vo do simmer em fluss gfolget bis zum See Perucko jezero. Herrlich im schatte und direkt am ufer hemmer do zwei tägli verbrocht.
En churze städtebummel durch Split und d Sicht vo de Stross uf Dubrovnik abe, mit de zwei riisige chrüzfahrtschiff 🛳🚢im hafe het üs glanget.
Noch 2 wunderbare wuche im sehr schöne kroatie🇭🇷 und viilne tolle erlebnis, simmer denn wiiter uf montenegro🇲🇪. Uf de panoramstrecki hemmer in Perast und Kotor churzi zwüschestöpp gmacht. Mit de velos 🚴♂️🚴♀️simmer dur die beide schöne Altstädtli bummlet. Die kurveriichsti etappe bis jetzt isch denn die mit ca. 27 hoornodle xi, wo üs in Nationalpark Lovcen gführt het. Jedes mol, wenns so eng worde isch, dass mer denkt hend, jetzt bitte kei gegeverchehr isch bestimmt en bus🚍 umd kurve cho.
Wiil üs s trinkwasser🚰 langsam zu neige gange isch, simmer bereits am nögste tag nochre churze wanderig 🥾hinne wieder abe. D serpentine hemmer usloh!Via Cetinje, wo früehner mol d Hauptstadt vo Montenegro🇲🇪 xi isch, isch wiiter gange i di jetzigi Hauptstadt Podgorica. D sehenswürdigkeite halted sich do in grenze, im vergliich zu dem wa mir sus bis jetzt hend dörfe xeh.
Umso spektakulärer isch üsen nögste spot xi – direkt nebed eme huus🏠boot🛶, wo mir sehr feine fisch🎣 gesse hend. Genauso abentüürlich isch die spontani bootsfahrt 🚣♂️ufem skadarsee mitem gfühlt ältiste, chliinste, langsämste und panneriichste boot 🛶xi.
Momentan gnüssemer grad d sunne ☀️am strand – im hintergrund befindet sich wohl die grössti hotelruine🏨 vom ganze land. Spannend aber au echli unheimlich wirkt de 17stöckig komplex uf üs.
Fun fact: s moskitonetz hemmer zwor fängs überem bett ufghengt🦟 – wenn mer aber z nöch am moskitonetz liit, xeht s füdli am nögste morge halt doch rot gsprenggelet us
Noch Montenegro🇲🇪 goths denn wiiter in richtig Albanie🇦🇱…
Liäbi grüess manuel & ilona
